पहिला पहिला गोरी बरत करे जइबु।
दुर्गा माई के खूब दरश करे जइबू।
धनिया हो गिर जइहा मइया के गोडवा में ।
सब कुछ भुला के खूब पूजा पाठ करा।
नियम धरम से नवरात बरत खास करा।
भरी लिहा ममता माई अपने तू अंचरवा में।
धनिया हो गिर जइहा ………।
नौ दिन में नौ देवी के पूजा खूब करिहा ।
दुर्गा माई के मंदिरवा में चंडी पाठ सुनिहा।
हरदम रइहा गोरी देवी माई के पंजरवा में।
धनिया हो गिर जइहा ……….।
नारियर सुपारी फूल अड़हुलवा चढ़इहा।
ललकी चुनरिया से मईया के मनइहा ।
गोरी तनी बस जइहा माई के नजरवा में ।
धनिया हो गिर जइहा…….।
अंगना में ललना खेले माई से मांग लिहा।
अनवा धनवा से घरवा भरे तनी मांग लिहा।
आ के तनी बसा माई भगत भारती के घरवा में ।
धनिया हो गिर जइहा मईया के गोड़वा में ।
*श्याम कुंवर भारती ( राजभर)*
बोकारो,झारखंड मॉब.9955509286