नाम तोहार लेके, दिल अब आबाद हो गईल |
कहलू की केवन पागल , हमार आज हो गईल |
आसरा लगवली तोहसे ,नजर हमसे फेर लिहलु |
छुटल न तोहरो आस ,जल दिल खाक हो गईल |
कहेला लोगवा हमसे, तू खुदा की खिदमत कर |
अँखिया बसेलु तू हमरा ,भक्ति भस्म राख हो गईल |
पत्थर पूजेला लोगवा ,मिल जाले सबके राम |
पिघलल ना दिल तोहरो , दिल अब बरबाद हो गईल|
स्वाती के बूंद पानी , चितवत रहे चकोर |
तोहके जोहत मे जिनगी ,तन अब आजाद हो गईल |
बियवा बोवे किसान ,पक फल अनाज बदे |
पकल ना हमरो प्यार ,अब खराब हो गईल |
जइसे पूजेले देवता ,हम तोहरे के पुजली |
रीझलू ना कबों हमरा, दुशमन सब समाज हो गईल |
-श्याम कुँवर भारती [राजभर], बोकारो झारखंड -9955509286