भोजपुरी गीत - श्याम कुंवर भारती

पिया जाड़ा में लागेला बड़ा हवा मड़ई छवाई देता ना,

लइकन के लग जाई पाला पिया रजाई बनवाई देता ना।

ससुर जी सुते ले बहरा ओढ़ाई देता ओहरा,

सासू मोरी कांपेली बिछाई देता चदरा,

धीमी धीमी आंच लागी पिया बोरसी जराई देता ना।

पिया जाड़ा में लागेला बड़ा हवा-----------

चऊवन के पाला लागे गईया खुंटवा तोड़ावेले,

भैंसी के भूसा चाही छेरिया मुंहवा बनावेले,

कुई कुई कुकरा करे पिया धुंअवा लहराई देता ना।

पिया जाड़ा में लागेला बड़ा हवा-----------

पानी बिना गेंहू सूखे सरसो मेहराइल बा,

चना मटर गदर करे तीसियो बैराइल बा,

कांपेले मोर नाजुक देहिया पिया गरवा लगाई देता ना।

पिया जाड़ा में लागेला बड़ा हवा-----------

पिया जाड़ा में लागेला बड़ा हवा मड़ई छवाई देता ना,

लइकन के लग जाई पाला पिया रजाई बनवाई देता ना।

- श्याम कुंवर भारती, बोकारो, झारखंड